ایبٹ آباد:بچوں کو اغواء کرنیوالے مظفرآباد یونیورسٹی کے طالبعلم سمیت دوملزمان گرفتار۔ دوروزہ جسمانی ریمانڈ پر پولیس کے حوالے۔ اس ضمن میں تھانہ میرپور کے ایس ایچ او سردار رفیق نے صحافیوں کو بتایاکہ ایک ماہ قبل جھنگی کھوجہ کے رہائشی دوسگے بھائیوں پندرہ سالہ ضرار اور سات سالہ عزیز علی خان ولد حیدر علی کو کالج روڈ منڈیاں سے لفٹ کے بہانے ایک کار نمبر:IDG-8832 میں سوار نامعلوم افراد نے اغواء کرلیا۔
بعدازاں بچوں کے شور شرابے پر انہیں ایک ویران مکان میں چھوڑ کر فرار ہوگئے۔ بچوں کے والدکی رپورٹ پر اغواء کاروں کیخلاف زیر دفعہ 365 کے تحت مقدمہ درج کرکے تفتیش شروع کی گئی۔ پولیس نے گاڑی کے نمبر پر تفتیش کاآغاز کیا اور ایک ماہ کی چھان بین کے بعد علامہ اقبال ٹاؤن منڈیاں کے رہائشی امتیازشاہ ولد ممتازشاہ اور بلال احمد ولد مشتاق احمد سکنہ جھنگی سیّداں کو گرفتار کرلیا۔ دوران تفتیش ملزمان نے اپنے جرم کا اقرار کرلیاہے۔ ملزم بلال شاہ مظفرآباد یونیورسٹی کا طالبعلم بتایاجاتاہے۔ پولیس نے علاقہ مجسٹریٹ کی عدالت میں ملزمان کو پیش کرکے دو روزہ جسمانی ریمانڈ حاصل کرلیاہے۔
بعدازاں بچوں کے شور شرابے پر انہیں ایک ویران مکان میں چھوڑ کر فرار ہوگئے۔ بچوں کے والدکی رپورٹ پر اغواء کاروں کیخلاف زیر دفعہ 365 کے تحت مقدمہ درج کرکے تفتیش شروع کی گئی۔ پولیس نے گاڑی کے نمبر پر تفتیش کاآغاز کیا اور ایک ماہ کی چھان بین کے بعد علامہ اقبال ٹاؤن منڈیاں کے رہائشی امتیازشاہ ولد ممتازشاہ اور بلال احمد ولد مشتاق احمد سکنہ جھنگی سیّداں کو گرفتار کرلیا۔ دوران تفتیش ملزمان نے اپنے جرم کا اقرار کرلیاہے۔ ملزم بلال شاہ مظفرآباد یونیورسٹی کا طالبعلم بتایاجاتاہے۔ پولیس نے علاقہ مجسٹریٹ کی عدالت میں ملزمان کو پیش کرکے دو روزہ جسمانی ریمانڈ حاصل کرلیاہے۔
کوئی تبصرے نہیں:
ایک تبصرہ شائع کریں