بالاکوٹ:مانسہرہ کی تحصیل بالاکوٹ کے نواحی علاقہ پارس میں نوجوان کو قتل کرکے نعش مبینہ طور پر دریائے کنہار میں پھینک دی گئی پولیس نے دو ملزمان گرفتار کرکے نعش کی تلاش شروع کردی ہے۔مقتول سید ظفرشاہ ولد نیروز شاہ کے چچاسید مشتاق حسین شاہ ولد فقیر حسین شاہ نے تھانہ بالاکوٹ میں رپورٹ درج کرواتے ہوئے مؤقف اختیارکیا ہے مقتول سید ظفرشاہ کا چند روز قبل عبدالشکورشاہ ولد عبدالقیوم شاہ اوررفاقت ولد خانیزمان سے جھگڑا ہوا تھا مذکورہ دو افراد نے ظفرشاہ کو قتل کرکے اس کی نعش دریائے کنہار میں پھینک دی ہے جس کی تلاش جاری ہے ۔مقتول کے چچا کی رپورٹ پر بالاکوٹ پولیس نے مقدمہ درج کرکے دو ملزمان کو گرفتارکرلیا ہے۔
کوئی تبصرے نہیں:
ایک تبصرہ شائع کریں