ایبٹ آباد:شہر کی معروف کاروباری شخصیت ملک قمر زمان کی نماز جنازہ کی ادائیگی کے دوران جیب تراشوں نے موقعہ کو غنیمت جانتے ہوئے ایک درجن سے زائد افراد کی جیبیں کاٹ لیں اور ان کو ہزاروں روپے اور دیگر قیمتی کاغذات سے محروم کر دیا متاثرہ افراد نے تھانہ کینٹ میں چوری کے مقدمات درج کروا دیے پولیس نے مقدمات درج کر کے تفتیش شروع کر دی اتوار کے روز سہ پہر تین بجے کے قریب مرکزی عید گاہ ملک قمر زمان کی نماز جنازہ کی ادائیگی کے دوران نامعلوم جیب تراشوں نے ہزارہ بھر کے مختلف علاقوں سے آئے ہوئے افراد کو اس وقت نقدی و دیگر کاغذات سے محروم کر دیا جب وہ محروم کی نماز جنازہ ادا کر رہے تھے یاد رہے کہ اس سے قبل بھی مرکزی عید گاہ سمیت مختلف مقامات پر شہر کے بااثر افراد کی نماز جنازہ کی ادائیگوں کے دوران جیب تراشی کی درجنوں وارداتیں ہو چکی ہیں مگر آج تک کوئی جیب تراش گرفتار نہیں ہو سکا۔
کوئی تبصرے نہیں:
ایک تبصرہ شائع کریں