رجوعیہ سے اغواء کئے جانیوالے کمسن بچوں کے ساتھ ڈاکٹروں نے زیادتی کی تصدیق کردی

ایبٹ آباد: رجوعیہ سے اغواء کئے جانیوالے کمسن بچوں کے ساتھ ڈاکٹروں نے زیادتی کی تصدیق کردی۔ دونوں ڈی ایچ کیو ہسپتال میں داخل ۔ عوام نے بچوں کے ساتھ زیادتی کرنے والے درندے کو سرعام سنگسار کرنے کا مطالبہ کردیا۔ اسلم ولد شیر خان سکنہ اٹک جو کہ رجوعیہ سہیل نامی شخص کے گھر میں مستری کا کام کررہا تھا۔ اسلم نے سہیل کے پڑوسی بچوں عزیز خان ولد شہزاد خان عمر نو سال اور شاذل شہزاد ولد غلام فرید عمر سات سال کو بھلا پھسلا کر اغواء کرنے کے بعد زیادتی کا نشانہ بنایا۔اور عزیز خان کو ویرانے میں پھینکنے کے بعد شاذل شہزاد کو اپنے ساتھ زبردستی اغواء کرکے لے جا رہا تھا کہ اس کے چچا نے اسے ریلوے روڈ خانپور اڈے پر دیکھ لیا اور لوگوں کی مدد سے وحشی درندے اسلم کو پکڑ کر پولیس کے حوالے کردیا۔ دونوں بچوں کو ڈی ایچ کیو ہسپتال ایبٹ آباد ریفر کردیا گیا ہے۔ جہاں ڈاکٹروں نے ان کے ساتھ زیادتی کی تصدیق کردی ہے۔

بچوں کے حقوق کیلئے کام کرنے والی غیر سرکاری تنظیم ’’ساحل‘‘ کی کارکردگی زبانی جمع خرچ تک محدود

ایبٹ آباد:بچوں کے حقوق کیلئے کام کرنے والی غیر سرکاری تنظیم ’’ساحل‘‘ کی کارکردگی زبانی جمع خرچ تک محدود۔ ایبٹ آباد میں ساحل این جی او کی جانب سے قائم کیا جانیوالا دفتر گپ شپ کا اڈہ بنا ہوا ہے۔ آئے روز بچوں کے ساتھ جنسی زیادتی کے کئی کیس درج کئے جاتے ہیں۔ لیکن ساحل کے ذمہ داران کی ان کیسوں میں دلچسپی نہ ہونے کے برابر ہے۔ متاثرہ بچوں کو مفت قانونی امداد اور نفسیاتی مشاورت کے دعوے کرنے والی اس این جی او کے ایبٹ آباد یونٹ کے اہلکار صرف تنخواہیں وصول کرنے تک محدود ہیں۔ رجوعیہ میں دو بچوں کے ساتھ جنسی زیادتی کے واقعات کے بعد ساحل کے ذمہ داران ٹس سے مس نہیں ہوئے۔ ساحل کے کسی ذمہ دار نے متاثرہ بچوں سے ملنے تک کی زحمت بھی گوارہ نہیں کی۔

رجوعیہ کے کمسن بچوں کے ساتھ زیادتی کے بعد فرارہونیوالا ملزم گرفتار

ایبٹ آباد:دو بچوں کو اغواء کرنے اُور ایک 6سالہ بچے سے بد فعلی کرنے والا شخص لواحقین نے ریلوے روڈ خانپور روڈ سے گرفتار کر کہ پولیس کہ حوالے کر دیا پولیس نے ملزم کو پابند سلاسل کر دیا تفصیلات کے مطابق اسلم ولد شیر خان سکنہ اٹک نے چند روز قبل رجوعیہ سے دو بچے اغواء کیئے جن میں سے ایک بچے شیزل فرید ولد غلام سکنہ رجوعیہ عمر 6سال کو اغواء کیا اُور اُس سے بد فعلی کرنے کے بعد اُسے بے ہوش حالت میں پھینک دیا جو بچہ اَب تک ہسپتال میں داخل ہے جبکہ رجوعیہ سے ہی دوسرا بچہ زین خان ولد شہزاد سکنہ رجوعیہ کو بھی اغواء کیا اِس بچے کے چچا نہ حویلیاں رپورٹ بھی درج کروائی ہوئی تھی گزشتہ روز اغواء کار اسلم بچے ز ین خان کو لیکر ریلوے روڈ خانپور اڈے پر کھڑا تھا کہ بچے زین کے لواحقین آگئے جس نے اغواء کار کو مارنا شروع کر دیا پاس کھڑے لوگوں نے تھانہ سٹی میں اطلاع دی تو تھانہ سٹی کا عملہ موقع پر پہنچ گیا جس نے اغواء کار کو گرفتار کر کہ پابند سلاسل کر دیا ۔