مانسہرہ کے علاقہ پھکوال سے شادی شدہ خاتون کو اغواء کر لیا گیا

مانسہرہ کے علاقہ پھکوال سے شادی شدہ خاتون کو اغواء کر لیا گیا، خاوند نے اپنے ہم زلف اور اس کے بھائی کے خلاف بیوی کے اغواء کا مقدمہ درج کروا دیا۔ تفصیلات کے مطابق مانسہرہ کے علاقہ پھکوال کے رہائشی منظور حسین ولد نور حسین نے رپورٹ درج کراتے ہوئے موقف اختیار کیا کہ اس کی بیوی مسماۃ (ن) بی بی کو اس کا ہم زلف محمد نذیر ولد قدرت علی نے ورغلا کر شادی کیلئے اغواء کر لیا ہے، وہ میری بیوی کی شادی اپنے بھائی رفیق سے کروانا چاہتا ہے، میری بیوی جاتے وقت 70 ہزار روپے بھی لیکر گئی ہے۔ پولیس نے مقدمہ درج کر کے ملزمان کی تلاش شروع کر دی ہے۔