حطار ہل چلاتے ہوئے ٹریکٹر کھائی میں جا گرا ڈرائیور نیچے دب کر ہلاک

ہری پور:حطار ہل چلاتے ہوئے ٹریکٹر کھائی میں جا گرا ڈرائیور نیچے دب کر ہلاک ، تفصیلات کے مطابق حطار کا پچاس سالہ رہائشی غریب ڈرائیور ربنواز ولد منور سکنہ حطار عرصہ چالیس سالوں سے ٹریکٹر ٹرالی پر ڈرائیوری کرکے اپنے بال بچوں کا پیٹ پال رہا تھا کہ گزشتہ روز مالکان اراضی کی زمین میں ہل چلا رہا تھا، جس سے ٹریکٹر بے قابو ہو کر اوپر سے نیچے گہری کھائی میں جاگرا ڈرائیور نے چھلانگ لگا کر جان بچانے کی بھرپور کوشش کی مگر بدقسمتی سے ٹریکٹر اس کے اوپر جا گرا اور وہ موقع پر ہلاک ہو گیا، علاقہ کے عوام نے ٹریکٹر اٹھا کر ڈرائیور کو نیچے سے نکالا، ڈرائیور کی لاش اس کے گھر پہنچی تو صف ماتم بچھ گئی ، مرحوم نے سات بچے اور ایک بیوہ چھوڑے ہیں ربنواز کی نماز جنازہ گزشتہصبح دس بجے حطار میں ادا کی گئی نماز جنازہ میں سینکڑوں افراد نے شرکت کی ، مرحوم کو سینکڑوں سوگواروں کی موجودگی میں سپرد خاک کر دیا گیا۔

ہریپور: ناٹکو کوچ اور ٹرک کے درمیان تصادم، سات افراد زخمی

ہریپور: ناٹکو کوچ اور ٹرک کے درمیان تصادم، سات افراد زخمی جنہیں فوری طور پر طبعی امداد کے لیے ہریپور،ایبٹ آباد کے مختلف اسپتالوں میں پہنچا دیا گیا،زخمیوں میں ایک حساس ادارے کا ملازم بھی شامل ہے،تفصیلات کے مطابق گلگت سے راولپنڈی جانے والی ناٹکو کوچ نمبرGLTA 5828سرائے صالح کے قریب مخالف سمت سے آنے والے ٹرک نمبر TKK580 سے ٹکر ا گئی جس کے نتیجے میں سات افراد شدید زخمی ہوگئے جنہیں فوری طبعی امداد کے لیے ڈی ایچ کیو ہریپور،کمپلیکس ایبٹ آباد اور سی ایم ایچ ایبٹ آباد منتقل کردیا گیا ہے زخمیوں سے ایک شخص کا تعلق حساس ادارے سے ہے جس کا علاج سی ایم ایچ میں کیا جارہا ہے۔