عمران خان منافق نہیں سچا اور کھرا انسان ہے:اعظم خان سواتی

مانسہرہ:پاکستان تحریک انصاف کے رہنماء اعظم خان سواتی نے کہا ہے کہ عمران خان منافق نہیں سچا اور کھرا انسان ہے، جمعیت کو اصل نظریے سے دور پایا اس لئے الگ ہوا، کیاظمی کی طرح ضلع مانسہرہ کے چوروں لیٹروں اور کیمشن خوروں کو بھیجوں گا ان خیالات کا اظہار انہوں نے اچھڑیاں میں ایک عوامی اجتماع سے خطاب کرتے ہوئے کیا اعظم خان سواتی نے کہاکہ میاں نواز شریف پنجاب حکومت کی فراہم کردہ کروڑوں روپے کی بلٹ پروف گاڑی میں بیٹھ کر عوامی خدمت کے دعوے کر رہا ہے ، جبکہ عوام بھوکوں مر رہی ہے ، میں نے اسمبلی میں بھی پارٹی ہدایات کے باوجود زرداری کو ووٹ نہیں دیا کیونکہ یہ میرے ضمیر کے منافی تھا، تحریک انصاف نے حکومت بنائی تو کاظمی سمیت ضلع مانسہرہ میں ٹھیکوں کی کمیشن کھانے اور این سی او ایس سے کمیشن لینے والوں کا بھی محاسبہ کرونگا، نو سال تک جمعیت میں رہا مگر اسے نظریے سے دور پایا جو نعرے لگائے جا رہے ہیں، اس کے لئے جہدوجہد نہیں ہو رہی جبکہ عمران خان کو ایک سچا کھرا مسلمان اور محب وطن دیکھ کر تحریک انصاف میں شمولیت اختیار کی جس پر مطمئن ہوں کیونکہ میرا قائد منافق نہیں ہے جو کہتا ہے وہ کرتا ہے عمران خان تبدیلی کا نشان ہے اس لئے نوجوانوں سمیت ہر عمر اور مکتبہ فکر کے لوگ تحریک انصاف کے سونامی میں شامل ہو کر تبدیلی کے خواہاں ہیں، اعظم خان نے مزید کہاکہ تمام پاکستانی گروپ بندیاں اور آزمائی ہوئی پارٹیاں چھوڑ کر ملک و قوم اور دین اسلام کو ترجیح دیں اور تحریک انصاف کا ساتھ دیکر سچے پاکستانی اور مسلمان ہونے کا ثبوت دیں کیونکہ ہمارا قائد دیگر لوگوں کی طرح امریکہ کی ایجنسی میں وزارت عظمی کی بھیک مانگنے نہیں جاتا بکہ عوامی طاقت پر یقین رکھتے ہیں انھوں نے کہا کہ سابقہ دور میں ضلعی نظامت چھوڑ کر میں بے بہت بڑی غلطی کی مگر آتے وقت میں اس کیا ازلہ کرونگا۔

تحریک انصاف کے رہنما اعظم سواتی جلسہ کے انتظامات کو حتمی شکل دینے کیلئے چترال روانہ ہو گئے

مانسہرہ: تحریک انصاف کے رہنما اعظم خان سواتی جلسہ کے انتظامات کو حتمی شکل دینے کیلئے چترال روانہ ہو گئے، وہ چترال میں تین روز تک قیام کریں گے۔ اعظم سواتی نے قبل ازیں وادی سرن کے دورہ کے دوران یونین کونسل سم میں مختلف افراد سے ملاقاتیں کیں جبکہ نور میدان تمری میں بڑے جلسہ عام سے خطاب بھی کیا۔ اس موقع پر سینکڑوں افراد نے تحریک انصاف میں شمولیت کا اعلان کیا۔ رات کو جبوڑی میں قیام کے بعد اعظم سواتی نے دوسرے روز بانڈہ کیسج کے مقام پر ایک کارنر میٹنگ سے خطاب کیا، ان کے ہمراہ پی ٹی آئی کے کارکنان و معززین علاقہ کی کثیر تعداد موجود تھی۔ بانڈہ کیسج کے عوام نے اعظم سواتی کو اپنے بھرپور تعاون کا یقین دلایا اور اس عزم کا اعادہ کیا کہ وہ اپنی سابق روایات کو مزید پروان چڑھاتے ہوئے اپنی عزت اور غیرت کیلئے کسی قربانی سے بھی دریغ نہیں کریں گے۔ بعد ازاں بوز بیلہ میں اعظم سواتی نے کارنر میٹنگ سے خطاب کیا اور کہا کہ ضلع مانسہرہ پر قابض ٹولے نے ضلع کے عوام کو ناقابل تلافی نقصان پہنچایا ہے جس پر جتنا بھی افسوس کیا جائے کم ہے۔ جگل اور بانڈہ خواجگان میں میٹنگ کے دوران اعظم سواتی کو مکمل تعاون اور حمایت کا یقین دلوایا گیا۔ شفاعت علی خان کی رہائش گاہ پر رات کو اعظم سواتی نے جبوڑی کے مکینوں سے بھی خطاب کیا۔