شمعو قصائی کے بیٹے نے رئیس خانہ بازار میں اندھا دھند فائرنگ کرکے ماموں زاد کو قتل کردیا

ایبٹ آباد:ملزمان فرار تھانہ سٹی نے مقدمہ درج کرکے تفتیش شروع کردی تفصیلات کے مطابق پیر کے روز صبح ساڑھے دس بجے ایبٹ آباد کے معروف قصاب شمریزعرف شمعو قصائی کے بیٹے عامر نے اپنے دیگر ساتھیوں عبدالقیوم عرف کوڑا ولد سرور، دلدار عرف پپو ولد رفیق اور ساجد ولد یونس ساکنان گوریاں کے ہمراہ رئیس خانہ بازار ایبٹ آباد میں اندھا دھند فائرنگ کرکے اپنے ماموں زاد محمد صدیق ولد علی زمان کو قتل کردیا اور موقع سے فرار ہوگئے۔ محمد صدیق کے قتل کی اطلاع ملتے ہی پولیس اور مقامی لوگ موقع پر پہنچ گئے۔ محمد صدیق کو زخمی حالت میں ڈی ایچ کیو ہسپتال پہنچانے کی کوشش کی گئی لیکن وہ زخموں کی تاب نہ لاتے ہوئے راستے میں دم توڑ گیا۔ پولیس نے ورثاء کی رپورٹ پر مقدمہ درج کرلیا ہے۔ نعش کو پوسٹمارٹم کے بعد ورثاء کے حوالے کردیا گیا۔ 

تھانہ نواں شہر کی حدود الیاسی مسجد کے قریب گولیاں چل گئیں

ایبٹ آباد: قریبی رشتہ داروں کی اندھا دھند فائرنگ سے چار افراد شدید زخمی مقدمہ درج تفصیلات کے مطابق دلاور خان ولد انور کا چند روز قبل کسی کے ساتھ جھگڑا ہوا تھا۔ دلاور خان نے اپنے قریبی رشتہ داروں سے کہا کہ وہ اس جھگڑے کا راضی نامہ کروادیں۔ مبینہ ذرائع کے مطابق راضی نامے کی وجہ سے دلاور خان اور شریف کا آپس میں جھگڑا شروع ہو گیا۔ جس پر دلاور خان گروپ کی جانب سے اندھا دھند فائرنگ کی گئی جس کے نتیجے میں شریف ولد شادی خان ، یاسر خان ولد علی محمد خان، عبدالرزاق ولد علی بہادر اور وارث خان ولد ولی محمد خان گولیاں لگنے سے شدید زخمی ہو گئے۔ جنہیں فوری طور پر ایوب تدریسی ہسپتال پہنچا دیا گیا ہے۔ پولیس نے زخمیوں کی رپورٹ پر دلاور خان ،فاروق ، احمد رضا، اقبال اور سمیر خان پسران انور خان کیخلاف مقدمہ درج کرکے تفتیش شروع کردی ہے۔