کوئلہ کی کان میں زہریلی گیس کے باعث دم گھٹنے سے جاں بحق ہونے والے افراد کی تعداد تین ہوگئی

بالاکوٹ: یونین کونسل گرلاٹ کے بالائی علاقہ کانشیاں رتہ نکہ کے مقام پرموجود کوئلہ کا میں زہریلی گیس کے باعث دم گھٹنے سے جاں بحق ہونے والے افراد کی تعداد تین ہوگئی، دو افراد کے جاں بحق ہونے پر نکالنے کیلئے کان میں جانے والا تیسرا شخص بھی زہریلی گیس سے زندگی کی بازی ہار گیا واقعہ کے مطابق یونین کونسل گرلاٹ کے بالائی علاقہ کانشیاں رتہ نکہ کے مقام پر موجود کوئلے کی کان میں جبلی کی تار لینے جانے والا فرید احمد ولد عبدالجبار کوئلے کی کان میں داخل ہوا کافی دیر تک واپس نہ آیا جس کاپتہ کرنے عابد ولد فضل حق ساکنان رتہ نکہ فرید کی تلاش میں کان میں داخل ہوا کافی دیر تک اس کابھی کچھ پتہ نہ چل سکا جن کی تلاش میں تیسرا شخص شبیر ولد کالو کوئلے کی کان میں داخل ہوا اورپھر واپس نہ آسکا کوئلے کی کان میں میں موجود زہریلی گیس نے تینوں کی زندگیوں کاچراغ گل کردیا گزشتہ روز مقامی افراد کی مدد سے تینوں نعشیں نکال لی گئیں ۔ڈی ایس پی بالاکوٹ سلیمان خان، ایس ایچ او محمد صابر بھی موقع پرپہنچ گئے ۔ فرید احمد ولد عبدالجبار جس کی عمرتقریباً12سال بتائی جاتی ہے اورعابد ولد فضل حق ساکنان کانشیاں رتہ نکہ کی نمازجنازہ دن تین بجے کانشیاں عیدگاہ اور شبیر ولد کالو کی نمازجنازہ ساڑھے پانچ بجے مسجد اقصیٰ نڑاہ کے پاس ادا کی گئی۔

بالاکوٹ: کوئلے کی بند کان میں گیس بھرجانے سے دو نوجوان لڑکے جاں بحق

بالاکوٹ: کوئلے کی بند کان میں گیس بھرجانے سے دو نوجوان لڑکے جاں بحق،کان زیر استعمال نہ تھی جبکہ لڑکی گھومتے ہوئے اس میں داخل ہوگئے جہاں گیس سے بے ہوش ہو کر گرگئے فوری طبعی امداد نہ ملنے پر دم توڑ گئے ،ایک نعش نکال لی گئی جبکہ دوسری گیس زیادہ ہونے کے باعث تادم تحریر نہ نکالی جا سکی،پولیس و انتظامیہ کے افسران موقع پر پہنچ گئے ۔تفصیلات کے مطابق گزشتہ روز بالاکوٹ کانشیاں کے مقام پر عابد ولد فضل الحق اور زاہد ولد عبد الجبار گھومتے ہوئے کوئلے کی بند کان کے اندر داخل ہوگئے جہاں کافی عرصہ سے بند ہونے کے باعث بھاری مقدار میں گیس جمع تھی جس سے بے ہوش ہو کر دونوں نوجوان وہیں پر گرگئے اور فوری طور پر طبعی امداد نہ ملنے پر دم توڑ گئے جب واقعہ کی اطلاع پولیس کو ملی تو انہوں نے موقع پر پہنچ کر کاروائی شروع کی تاہم تحریر کے آخری وقت تک صرف ایک نوجوان کی نعش کان سے نکالی جاسکی تھی جبکہ دوسری نعش گیس زیادہ ہونے کے باعث نہیں نکالی جاسکی،دوسری جانب واقعہ کی اطلاع ملتے ہی عوام کی بڑی تعداد کے ساتھ ہی انتظامیہ کے اہلکار بھی موقع پر پہنچ گئے اور امدادی کاموں میں حصہ لیتے رہے۔