ایبٹ آباد:تھانہ بکوٹ پولیس نے عمارتی لکڑی پنجاب سمگلر کرنے کی کوشش ناکام بنا دی ٹمبر سمگلر کو حراست میں لیکر ٹرک کو قبضے میں لے لیا گزشتہ روز ایبٹ آباد کاکول کا رہائشی خاور ولد جاوید مزدا ٹرک نمبر 6826 پشاور کے ذریعے بیاڑ کی انتہائی قیمتی لکڑی پنجاب سمگل کر رہا تھا کہ پولیس بکوٹ پولیس کو اطلاع ملی جس پر انھوں نے ناکہ بندی کر کے لکڑی سے بھرا ٹرک بکوٹ کے مقام پر قبضے میں لیکر ڈرائیور کو حراست میں لے لیا بعض ازاں محکمہ جنگلات کے اہلکاروں کو بلا کر ٹمبر سمگلر پر ایک لاکھ 54ہزارسات سو روپے جرمانہ کیا اور لکڑی قبضے میں لے لی یاد رہے کہ اس سے قبل بھی کوہالہ کے راستے پنجاب کو لکڑی سمگل کرتے ہوئے جیبیں اور ٹرک پکڑے گئے ہیں محکمہ جنگلات کے اہلکاروں کی ملی بھگت سے بکوٹ اور ٹھنڈیانی کے جنگلات ٹمبر سمگلر کاٹ کاٹ کر پنجاب سمگل کر رہے ہیں اور گزشتہ دنوں سملی ڈھیری اور گردنواع سے 150درختوں کی کٹائی کے ثبوت ملے تھے جس پر محکمہ کے چیف نے کاروائی کرتے ہوئے تین اہلکاروں کو معطل کر دیا تھا مگر بدقسمتی سے جس اہلکار نے جنگل کی چیکنگ کی تھی اسے فوری طور پر سرکل ریڈ سے محکمہ کے افسران نے ہٹا دیا کیونکہ وہ ان کے کالے کارتوتوں سے پردہ اٹھا رہا تھا۔
کوئی تبصرے نہیں:
ایک تبصرہ شائع کریں