ایبٹ آباد:توہین آمیز فلم کی تیاری۔ ٹرانسپورٹروں نے آج بروز جمعہ ہزارہ بھر میں پہیہ جام ہڑتال کا اعلان کردیا تفصیلات کے مطابق ہزارہ بھر کے ٹرانسپورٹروں کے منعقدہ اجلاس کے بعد جان عالم مانسہرہ، ملک یونس ہری پور، ایبٹ آباد قاضی فاروق چیئرمین ہزارہ ٹرانسپورٹ، واجد خان اور دیگر ٹرانسپورٹر رہنماؤں نے اعلان کیا کہ آج بروز جمعہ کو پورے ملک میں توہین آمیز فلم کیخلاف یوم احتجاج کے موقع پر ہزارہ کے ٹرانسپورٹر ہزارہ ڈویژن کے پانچوں اضلاع میں مکمل پہیہ جام ہڑتال کریں گے۔ کوئی بھی مسافر گاڑی نہیں چلے گی۔ ہم امریکہ اور اس کے حواریوں پر واضح کر دینا چاہتے ہیں کہ ہم اپنی نبیؐ کی شان میں گستاخی برداشت نہیں کرسکتے اور اس کا بدلہ لینے کے لئے ہم اپنی جان قربان کرنے کے لئے بھی تیار ہیں۔
کوئی تبصرے نہیں:
ایک تبصرہ شائع کریں