آئندہ الیکشن میں صوبہ ہزارہ کے پلیٹ فارم سے منتخب ہونے والے لوگ ہی صوبہ ہزارہ بنائیں گے:باباحیدرزمان

ایبٹ آباد: قائد تحریک صوبہ ہزارہ باباحیدر زمان نے کہا ہے کہ آئندہ الیکشن میں صوبہ ہزارہ کے پلیٹ فارم سے منتخب ہونے والے لوگ ہی صوبہ ہزارہ بنائیں گے۔ کوئی بھی سیاسی پارٹیاں لوگوں کو ورغلاء کر صوبہ ہزارہ کے نعرے لگا رہی ہیں۔ عوام ایسے لوگوں سے ہوشیار رہیں اور آئندہ الیکشن میں صوبہ ہزارہ کے امیدواروں کو کامیاب بنائیں ۔ ان خیالات کااظہار انہوں نے جمعہ کے روز حویلیاں میں حاجی زرخان کی تحریک صوبہ ہزارہ میں شمولیت کے موقع پر جلسہ عام سے خطاب کے دوران کیا۔ بابا حیدر زمان نے کہا کہ ہم مخلوق کے لئے صوبہ ہزارہ کا مطالبہ کررہے ہیں۔ کوئی جرم نہیں کررہے۔نہ ہم ملک کوتوڑتے ہیں۔ آئین کے اندر رہتے ہوئے ہم صوبہ ہزارہ کا مطالبہ کررہے ہیں۔ اس مطالبے پر ہمارے سات جوانوں کو شہید کردیا گیا۔ تین آج بھی معذوری کی زندگی گزار رہے ہیں جبکہ اڑھائی سو زخمی ہوئے۔ لوگ کہتے تھے یہ سب ختم ہو گئے ہیں۔جسے اللہ تعالیٰ ختم نہ کرے اسے کوئی ختم نہیں کرسکتا۔ اور وہ لوگ جو ہم سے الگ ہو کر گئے ہیں۔ میری چھٹی حس یہ کہتی ہے کہ سچ میں مقناطیسی قوت ہوتی ہے۔ اور یہ سچائی ایک نہ ایک دن ان کو واپس لے کر آئی گی۔ کوئی لاڑکانہ، کوئی رائے ونڈ اور کوئی اسلام آباد کے طواف کررہا ہے۔ ہم اپنی مٹی کے ساتھ کھڑے ہیں۔ اللہ تعالیٰ ہماری مدد فرمائیں گے۔ انشاء اللہ ہمیں کوئی شکست نہیں دے سکتا۔ بابا حیدر زمان نے کہا کہ جن لوگوں کو پارٹیوں کی بجائے اپنی مٹی عزیز ہے وہ آج ہمارے ساتھ ہیں۔ جن کو پارٹیاں عزیز ہیں وہ جا چکے ہیں۔ ایم کیو ایم نے قومی اسمبلی میں صوبہ ہزارہ کی قرار داد پیش کرکے ہمارے اوپر بہت بڑا احسان کیا ہے۔جبکہ یہ کام ہزارہ کے ان سات اراکین اسمبلی کا تھا جو ایم کیو ایم نے کیا۔ پارلیمنٹ میں 47آدمی ق لیگ کے ہیں جبکہ نو لیگ کے 93آدمی ہیں۔کچھ لوگ پیپلز پارٹی کے بھی ہیں۔ جبکہ ان تمام اراکین قومی اسمبلی میں صوبہ ہزارہ کے لئے ایک لفظ بھی نہیں بولا۔ یہ تمام لوگ مفاد پرست ہیں۔ان لوگوں نے ہمارے ساتھ دھوکہ کیا ہے۔ایم کیو ایم نے ہزارہ کے مظلوم لوگوں کی آواز قومی اسمبلی میں اٹھائی ہے۔ بابا حیدر زمان نے کہا کہ ہزارہ کے لوگوں اپنے اندر طاقت پیدا کرو۔ اگر آپ سمجھتے ہیں کہ آپ حق پر ہیں تو اللہ تعالیٰ آپ کی مدد کریگا۔ ہم کسی پارٹی کو برا بھلا نہیں کہتے۔ ہوسکتا ہے کہ جو لوگ ہمیں چھوڑ کر گئے ہیں وہ کل واپس آجائیں۔ صبح کا بھولا شام کو واپس بھی آسکتا ہے۔ ہوسکتا ہے اللہ تعالیٰ ان اراکین اسمبلی کو ہدایت دے دے۔اور یہ تمام لوگ تحریک صوبہ ہزارہ کے پلیٹ فارم پر جمع ہوجائیں۔ تمام لوگ ہمارے بھائی ہیں۔ ان کا بھی فرض بنتا ہے کہ اپنی مٹی کی حفاظت کریں ۔ ہم دنیا میں جہاں کہیں بھی چلے جائیں ہم کو اسی مٹی میں دفن ہونا ہے۔

صوبہ ہزارہ کے بغیر کمیشن کی کوئی اہمیت اور افادیت نہیں :بابا جی سرکار

ایبٹ آباد:قائد تحریک صوبہ ہزارہ بابا حیدر زمان نے کہا ہے کہ صوبہ ہزارہ کو پارلیمانی کمشن میں شامل نہ کر کے حکمرانوں نے ہزارہ کے کروڑوں عوام کے ارمانوں کا قتل عام کیا ہے ،صوبہ ہزارہ بارے مرکزی اور صوبائی حکومت سمیت مسلم لیگ ن عوام دشمن پالیسیوں پر عمل پیرا ہیں ،صوبہ ہزارہ کے بغیر کمیشن کی کوئی اہمیت اور افادیت نہیں ہے ،مرکزی اور صوبائی حکومت ہزارہ کے عوام کئے ضزبات سے کھیلنا بند کر دیں بصورت دیگر ہزارہ وال قوم انتہائی اقدامات اٹھانے پر مجبور ہو جائے گی ان خیالات کا اظہار انہوں نے مرکزی سیکرٹریٹ سے جاری پریس ریلیز میں کیا بابا حیدر زمان نے کہا کہ ہزارہ صوبے کا انتظامی بنیادوں پر مطالبہ ہزارہ کے عوام کا دیرینہ مطالبہ ہے اس میں ہزارہ کے غیور عوام کا لہو شامل ہے صوبہ ہزارہ کے بارے میں مسلم لیگ ن ،پی پی پی اور اے این پی دوغلی پالیسیاں ترک کر کے ہزارہ کے عوام کے حقوق دیئے جائیں انہوں نے کہا کہ صدر پاکستان ہزارہ کے عوام کے حقوق اور صوبہ ہزارہ کے حوالے سے اپنا بھر پور کردار ادا کر کے ہزارہ کے عوام کی حوصلہ افزائی کریں انہوں نے کہ کہ پرلیمانی کمشن میں صوبہ ہزارہ کو شامل نہ کرنا نہ صرف زیادتی ہے بلکہ اس سے کروڑوں ہزارہ والوں کا صدر پاکستان سے لگائی گئی امیدوں پر بھی پانی پھر گیا ہے ،نئے صوبوں کے حوالے سے بنایا گیا کمشن صوبہ پنجاب کی لسانی ،گروہی تقسیم کے بجائے اس کا دائرہ کار ملک بھر تک بڑھایا جائے اور ملک کے اندر جہاں جہاں عوام کی ضرورت اور ان کی ڈیمانڈ ہے وہاں پر صوبے بنائے جائیں انہوں نے کہ کہ اگر مسلم لیگ صوبہ پوٹھوہار کی ڈیمانڈ رکھ سکتی ہے تو پھر اسے صوبہ ہزارہ کا انتظامی بنیادوں پر قیام کے حوالے سے پہل کر کے صوبائی اسمبلی سے اس کی قرارداد فوری طور پر منظور کروائی جائے انہوں نے کہا کہ صوبہ زارہ کے بغیر کسی دوسرے صوبے کا قیام عمل میں لایا گیا تو ملک بھر میں شدید انتشار پھیل جائے گا اور ہزارہ وال قوم انتہائی اقدام اٹھانے پر مجبور ہو جائے گی حکمران ہزارہ وال قوم کے صبر کا امتحان نہ لیں انہوں نے کہا کہ جب تک ہزارہ کے عوام کے حقوق نہیں دئیے جائیں گے ہزارہ وال چین سے نہیں بیٹھیں گے ۔ 

تحریک صوبہ ہزارہ کے قائد بابا سردار حیدر زمان حسب روایت اعتکاف بیٹھ گئے

ایبٹ آباد: تحریک صوبہ ہزارہ کے قائد بابا سردار حیدر زمان اپنے رب کی خوشنودی کیلئے حسب روایت اعتکاف بیٹھ گئے۔ اس سلسلہ میں تحریک صوبہ ہزارہ کی جانب سے تحریک کے قائد بابا سردار حیدر زمان کی تمام تمام سیاسی و سماجی سرگرمیوں ختم کر دی گئی ہے۔ واضح رہے کہ بابا جی روایت رہی ہے کہ وہ رمضان المبارک میں ہر مرتبہ خدائے بزرگ و برتر کے حضور رضاء الہٰی اور رب کی خوشنودی کیلئے اعتکاف بیٹھے ہیں۔ عیدالفطر کے بعد تحریک کے قائد بابا سردار حیدر زمان کی تمام سیاسی و سماجی سرگرمیاں دوبارہ بحال ہو جائیں گی۔