شاہراہ ریشم پر واقع گاؤں مانگل میں نامعلوم افراد نے پولٹری فارم کے سپروائرز کو تیز دھار آلہ سے قتل کر دیا

ایبٹ آباد: شاہراہ ریشم پر واقع گاؤں مانگل میں نامعلوم افراد نے پولٹری فارم کے سپروائرز کو تیز دھار آلہ سے قتل کر دیا۔ پولیس ذرائع کے مطابق دکن اوگی کے رہائشی وارث خان ولد فضل الرحمن نے تھانہ میرپورمیں رپورٹ درج کرواتے ہوئے مؤقف اختیار کیا کہ اس کا 23 سالہ بھائی کامران ولد فضل الرحمن مانگل کے مقام پر واقع طاہر پولٹری فارم میں بطور سپروائزر فرائض سرانجام دے رہا تھا کہ سوموار کی صبح پولٹری فارم کے چوکیدار نے اطلاع دی کہ آپ کا بھائی اپنے دفتر میں مردہ حالت میں پایا گیا ہے جسے تیز دھار آلہ سے قتل کیا گیا ہے۔ مقتول کامران کے بھائی کی رپورٹ پر تین نامزد ملزمان کے خلاف قتل کا مقدمہ درج کر کے تفتیش شروع کر دی گئی ہے۔

ایبٹ آباد:نجی کالج کے چوکیدار کو قتل کرنے والا ملزم گرفتار

ایبٹ آباد:نجی کالج کے چوکیدار کو قتل کرنے والا ملزم گرفتارتفصیلات کے مطابق سیّد فقیر سعید شاہ ولد سیّدرؤف علی پولی ٹیکنیکل کالج بالڈھیری مانگل میں چوکیداری کرتا تھا۔ اس کے بیوی بچے بھی مانگل میں رہائش پذیر ہیں۔ پیر کی شام مانسہرہ کے رہائشی صفت گل ولد تازہ گل نامی شخص نے اسے فائرنگ کرکے قتل کردیا۔ پولیس نے صفت گل کو گرفتار کرلیا ہے۔ ملزم نے دوران تفتیش پولیس کو بتایا کہ اس کی مقتول کے ساتھ توں تکرار ہوئی تھی۔ جس کے بعد اس نے اسے طیش میں آکر قتل کیا تھا۔

ایبٹ آباد:روٹھی بیوی کو منانیوالے شخص کو اندھا دھند فائرنگ کرکے قتل کردیا گیا

ایبٹ آباد:روٹھی بیوی کو منانے کے لئے جانیوالے شخص کو عیدالفطر کے روزاندھا دھند فائرنگ کرکے قتل کردیا گیا۔ نعش پوسٹمارٹم کے بعد ورثاء کے حوالے تفصیلات کے مطابق تھانہ نواں شہر کی حدود میں واقع ہڑیالہ محلہ بن بیگ بوئی روڈ کے رہائشی موٹر مکینک محمد ساجد ولد قلندر خان کی شادی کچھ عرصہ قبل عاصمہ بی بی دختر محمد صدیق سکنہ مانسہرہ کے ساتھ ہوئی۔ شادی کے بعد دونوں میاں بیوی میں نوک جھونک لگی رہتی تھی۔رمضان المبارک میں ساجد کی بیوی روٹھ کر اپنے چچاحمید ولد خان زمان کے گھر چلی گئی۔ عیدالفطر کے روز محمد ساجد اپنی روٹھی بیوی کو منانے اس کے چچا کے گھر چلا گیا۔ جہاں توں تکرار کے دوران حمید ولد خان زمان اور اس کے بیٹے وحید ولد فرید نے فائرنگ کرکے ساجد کو قتل کردیا اور فرار ہوگئے۔ ساجد کی نعش کو ایوب تدریسی ہسپتال میں لایا گیا۔ جہاں پوسٹمارٹم کے بعد نعش ورثاء کے حوالے کردی گئی۔ پولیس نے مقدمہ درج کرکے تفتیش شروع کردی ہے۔