تحصیل ناظم اسحاق سلیمانی کی کاوشیں: این ایچ اے حکام نے شملہ انٹرچینج بنانے کی یقین دہانی کروادی۔

ایبٹ آباد:تحصیل ناظم محمد اسحاق زکریا اورتحصیل کونسل ایبٹ آباد کی کوششیں رنگ لے آئیں NHAنے شملہ ہل انٹر چینج کے معائنہ کیلئے ماہرین ایبٹ آباد بھیج دیئے ۔تحصیل کونسل ایبٹ آباد وحویلیاں نے مشترکہ اجلاس میں قراردادپیش کرتے ہوئے کہا تھا کہ شملہ ہل انٹرچینج ایبٹ آباد وتناول کیلئے بہت ضروری ہے کیونکہ ایبٹ آبادآنے والے عوام کو سلہڈ کے مقام پر شدید ٹریفک جام کا سامنا کرنا پڑتا ہے اتنا ٹائم اسلام آباد سے کھوکھر میرا تک نہیں لگتا جتنا سلہڈ ڈپمنگ گراؤنڈ سے شہر تک لگتا ہے اور لوگوں کو شدید مشکلات کا سامنا کرنا پڑتا ہے ۔

ABBOTTABAD: 26Jan2019 - Group Photo of Tehsil Nazim Ishaq Sulimani along with NHA Officials after Visit for Shimla Hill Interchange Possibility. 

شملہ ہل انٹرچینج کی قرارداد پر عمل درآمد کرنے کیلئے بروز ہفتہ NHAکے ڈائریکٹر محمد اشتیاق نے خصوصی طورپر اسلام آباد سے ایبٹ آباد پہنچے۔تحصیل ناظم محمداسحاق زکریا نے NHAکے ڈائریکٹر کو شملہ ہل انٹرچینج کی جگہ کا معائنہ کروانا اوران کو بتایا کہ یہ انٹرچینج ایبٹ آباد کیلئے ریڑھ کی ہڈی کی حیثیت رکھتا ہے اس انٹرچینج سے ایبٹ آباد اورشیروان سرکل کو بہت فائدہ ہوگا اورسلہڈ کے مقام پر ٹریفک جام کا مسئلہ بھی تقریباً مستقل بنیادوں پر حل ہوجائے گا اورایبٹ آباد کی عوام کو بھی ذہنی پریشانی سے چھٹکارہ مل جائے گا ۔NHAکے ڈائریکٹر نے بھی اس انٹرچینج کی اہمیت میں خاصی دلچسپی لیتے ہوئے اس کو علاقہ کی اہم ضرورت قراردیا۔ این ایچ اے حکام نے شملہ انٹرچینج کی تعمیر کی یقین دہانی کروادی۔

ایبٹ آباد یونیورسٹی کا پروفیسر شفیق طالبہ سمیت گرفتار۔

حویلیاں: مقامی لوگوں نے ایبٹ آباد یونیورسٹی فارمیسی ڈیپارٹمنٹ پروفیسر کو طالبہ سمیت پکڑکرپولیس کے حوالے کردیا۔ پروفیسر شفیق معطل ۔ میڈیا کی مداخلت پر برائے نام انکوائری جاری۔ سابق ڈپٹی کمشنر کے بھائی پروفیسرشفیق کو بچانے کیلئے ٹاؤٹ بھی متحرک ہوگئے۔اس ضمن میں پولیس اور مقامی ذرائع نے صحافیوں کو بتایاکہ پشاورکے رہائشی پروفیسرشفیق جوکہ ایبٹ آباد یونیورسٹی آف سائنس اینڈ ٹیکنالوجی میں فارمیسی ڈیپارٹمنٹ میں فکس پے پر اسسٹنٹ پروفیسر کے عہدے پرتعینات ہیں۔ 

ABBOTTABAD: 25Jan2019 - Outer View of House of Asst. Professor Shafiq of Pharmacy Dept, of Abbottabad University of Science & Technology, Where he bring Female Students of the University.

ڈاکٹر شفیق نے یونیورسٹی کے عقب میں واقع ایک بستی میں عیاشی کیلئے گھر کرائے پر لے رکھاہے۔ مقامی لوگوں کے مطابق پروفیسر شفیق آئے روز یونیورسٹی کی مختلف لڑکیوں کو اس گھرمیں لے کر آتا جاتا رہتاتھا۔ نماز جمعہ وقت بھی پروفیسر شفیقمینجمنٹ سائنسز کی طالبہ (ن) کے ہمراہ اپنے گھر میں تین گھنٹے تک موجود رہا۔ دونوں جب گھر سے جونہی باہر نکلے تو مقامی لوگوں نے پروفیسر شفیق اور طالبہ کو پکڑ کر تھانہ حویلیاں میں کال کی۔ اور تھانہ حویلیاں کے اہلکار موقع پر پہنچے اور دونوں کو تھانہ حویلیاں لے گئے۔ جہاں تھانہ حویلیاں کے ایس ایچ او اور محرر نے طالبہ پر دباؤ ڈالا کہ اگر تم کوئی کمپلین کروگی تو تمہاری زندگی تباہ ہو جائے گی۔ تاہم طالبہ نے پروفیسر شفیق کیخلاف کسی بھی قسم کی کوئی شکایت نہیں کی۔ جس پرپولیس نے دونوں کو چھوڑ دیا۔ 

ABBOTTABAD: 25Jan2019 - Police Investigating from Shafiq Asst. Professor of Abbottabad University of Science & Technology, & Student of Management Sciences in Police Station Havelian.

تاہم بعد میں مقامی لوگوں کو جب معلوم ہوا تو مقامی لوگوں نے احتجاج کا اعلان کرتے ہوئے میڈیا کے نمائندوں کو واقع کے بارے میں بتایا۔ جس پر صحافیوں نے جب ڈی ایس پی حویلیاں اور ایس ایچ او تھانہ حویلیاں سے معلومات حاصل کرنی شروع کیں تو پولیس نے پروفیسر شفیق اور طالبہ (ن)کو دوبارہ تھانے میں بلا لیا۔ اس دوران یونیورسٹی کے ذمہ دار بھی حویلیاں تھانے پہنچ گئے۔ جہاں بیوروکریسی اور پولیس کی جانب سے طالبہ پر کسی بھی قسم کی قانونی کارروائی نہ کرنے کیلئے بھرپور دباؤ ڈالا گیا۔ کیونکہ پروفیسر شفیق ایبٹ آباد کے ایک سابق ڈپٹی کمشنر کے بھائی اورایبٹ آباد یونیورسٹی کے وائس چانسلر ڈاکٹر افتخار کے بھانجے بتائے جاتے ہیں۔ 

ڈاکٹر شفیق کے طالبہ کیساتھ پکڑے جانے کے بعد انتظامیہ کے مختلف ٹاؤٹ بھی انہیں بچانے کیلئے متحرک ہوگئے ہیں۔ جبکہ دوسری جانب ایبٹ آباد یونیورسٹی کے وائس چانسلر نے پروفیسر شفیق کو فوری طور پر معطل کرنے کا نوٹیفکیشن جاری کردیاہے۔ پولیس نے بھی معاملے کو رفع دفع کرنے کیلئے انکوائری شروع کر دی ہے۔ تھانہ حویلیاں کے اہلکاروں کی قانونی کارروائیوں سے ایسا لگتاہے کہ بااثر شخص چاہے جوبھی جرم کرے۔ اس کے بچاؤ کیلئے پولیس اہلکار ہر ممکن راستہ نکالنے کی بھرپور کوشش کرتے ہیں۔ اور حویلیاں پولیس کے اہلکاروں نے بھی پروفیسر شفیق کے بچاؤ کیلئے ہر ممکن راستہ اختیار کیا ہواہے۔

پولیس خاموش: سہیل خان کے قاتل نے قومی شناختی کارڈ اور پاسپورٹ بھی بنالیا۔

ABBOTTABAD: File Photo of Sohail Khan, Murder in Dhamtoor area on 28 Aug 2015. Other side file Photo of Alleged Killer Nasir Khan who got CNIC & Passport from Abbottabad after Two Years of Escape.

ایبٹ آباد:اڑھائی سال قبل قتل ہونیوالے سہیل خان کے قاتل نے قومی شناختی کارڈ اور پاسپورٹ بھی بنالیا۔ لواحقین بااثرسیاسی افراد کے سامنے پولیس کی بے بسی پر سراپا احتجاج۔ مقامی ذرائع کے مطابق سابق ناظم دہمتوڑوتحریک صوبہ ہزارہ کے رہنماء انجینئرسلطان خان کے جواں سالہ بیٹے سہیل جدون کو28اگست2015ء کو مقامی ناظم کے بھتیجے ناصرخان ولدبہادرخان سکنہ سربن دوتار ، دہمتوڑ نے اندھادھند فائرنگ کرکے قتل کردیاتھا اور موقع سے فرار ہوگیا۔ 

مقتول سہیل خان کے بھائی کمال پاشانے میڈیا کے نمائندوں کو بتایاکہ اڑھائی سال گزرنے کے باوجود مقامی بااثر افراد کے سامنے پولیس بے بس ہے۔ کئی مرتبہ ہم نے پولیس کو ناصر خان کا خفیہ ٹھکانہ بتایا لیکن پولیس نے قاتل ناصر خان کی گرفتاری کی بجائے اس کو فرار کیلئے محفوظ راستہ فراہم کیا۔ انسپکٹرجنرل خیبرپختونخواہ پولیس، ڈی آئی جی ہزارہ رینج اور سابقہ ڈی پی او صاحبان کو بھی بتایاگیا۔ لیکن کسی نے کوئی ایکشن نہیں لیا۔ پولیس کی چشم پوشی کی وجہ سے میرے بھائی مقتول سہیل خان کے نامزد قاتل ناصرخان نے کچھ عرصہ قبل نادرا ایبٹ آباد سے قومی شناختی کارڈ بھی بنوالیا اور اس کے شناختی کارڈ کا نمبر: 13101-7637268-7ہے جوکہ اس نے کچھ عرصہ قبل بنوایا۔ جس کے بارے میں پولیس کو بتایاگیا لیکن پولیس نے قاتل کی گرفتاری اورشناختی کارڈ کی تصدیق کرنیوالے کیخلاف کوئی ایکشن نہیں لیا۔ 

کمال پاشا نے مزید بتایاکہ قاتل ناصر خان نے اسی پر بس نہیں کی۔ بلکہ اس نے ایبٹ آباد کے پاسپورٹ آفس سے اپنا پاسپورٹ بھی بنوالیا۔ اور اس کے پاسپورٹ کا نمبرSk4132681ہے۔ایک طرف عمران خان اور پی ٹی آئی کے لوگ انصاف اور ماڈل پولیس کی باتیں کررہے ہیں۔ لیکن دوسری طرف قاتل سرعام پاسپورٹ اور شناختی کارڈ بنوا رہے ہیں۔ اور پولیس بے بس اور تماشائی بنی ہوئی ہے۔ میری انسپکٹرجنرل خیبرپختونخواہ پولیس، ڈی آئی جی ہزارہ رینج اور ڈی پی او ایبٹ آباد سے اپیل ہے کہ میرے بھائی سہیل خان کے قاتل ناصر خان کو فوری طور پر گرفتار کیاجائے۔

ایلیٹ فورس کے اہلکاروں کی طالبعلم کیساتھ جنسی زیادتی۔ ویڈیوبھی بنالی۔

ہری پور(تحقیقاتی رپورٹ)مثالی پولیس کے مثالی کارنامے پشاور ہیڈ کوارٹر میں تعینات ایلیٹ فورس کے اہلکار کی میٹرک کے طالب علم سے دیگر ساتھی اہلکار وں کے ہمراہ جنسی زیادتی تصویرں اور ویڈیو بھی بنا رکھی تھی تین ماہ سے لڑکے لڑکیوں کو بلیک میل کر رہے تھے پی ٹی آئی کے پولیس میں اصلاحات کے دعوے ہوا ہو گئے لڑکے کی ویڈیو بنا کر بلیک میل کیا جا رہا تھا تنگ آ کر لڑکا پولیس سٹیشن جا پہنچاپولیس نے میڈیکل رپورٹ آنے کے بعد والد کی مدعیت میں اپنے پیٹی بند بھائیوں کے خلاف مقدمہ درج کرلیا ایک ملزم گرفتار دیگر فرار ہونے میں کامیاب علاقہ عوام میں شدید غصہ سرے عام پھانسی لگانے کا مطالبہ کر دیا۔

ذرائع کے مطابق کھلابٹ ٹاؤن شپ کے رہائشی طارق خان ولد محمد صادق نے اپنے پندرہ سالہ بیٹے جوکہ میٹرک کا طالب علم کے ہمراہ تھانہ سٹی میں مقدمہ درج کراتے ہوئے موقف اختیار کیا ہے کہ ایلیٹ فورس کے اہلکار وں نے میرے بیٹے کے ساتھ جنسی زیادتی کی ہے جس پر میٹرک کے طالب علم شمائل نے پولیس کو بتایا ہے کہ ایلیٹ فورس کے اہلکاروں نے ڈھینڈہ کے قریب پولیس اہلکاروں نے نجی کمرہ رکھا ہوا ہے جہا ں لڑکے لڑکیوں کو بلیک میل کرکے رقم ہتھیانے کے ساتھ جنسی زیادتی کی جاتی ہے مجھے زبر دستی اٹھا کر تین ماہ قبل وہاں لے گے میرے ساتھ چھ افراد نے زبردستی میرے ساتھ بدفعلی کی میری تصویریں اور ویڈیو بنائی جس کے بعد تین ماہ تک مجھے بلیک میل کرتے رہے مجھے ڈراتے دھکماتے بھی رہے اور مجھ سے پیسے بھی لیتے رہے ۔

پولیس نے میڈیکل رپورٹ آنے کے بعد ایلیٹ فورس کے اہلکار شہزاد شاہ ولدحسن شاہ اشفاق ولد عبد الرحمان احمد شمس ولد شمس الرحمان خرم خان ارسلان سمیت دیگر کے خلاف علت نمبر133 زیر دفعہ377/511/506کے تحت اپنے پیٹی بند بھائیوں کے خلاف مقدمہ درج کرکے ایک ملزم کو گرفتار کرلیا ہے پولیس زرائع کے مطابق لڑکے سے بدفعلی کرنے والے ایک ایلیٹ فورس اہلکار ایک ایلیٹ پولیس موبائل کا ڈرائیور بھی شامل ہے دیگر افرا دمیں کے دیگر ساتھی بھی شامل ہیں جن کو جلد گرفتار کرلیا جائے گاجبکہ ایلیٹ فورس کا اہلکار شہزاد پشاور ہیڈ کوارٹر میں تعینات ہے واقعہ کے خلاف شہریوں میں شدید غم وغصہ پایا جاتا ہے مذہبی جماعتوں کے زمہ دادران نے سرے عام پھانسی لگانے کا مطالبہ کیا ہے

قتل کے دومجرموں کوہری پور جیل میں پھانسی لگادی گئی۔

ہری پور(یاور حیات)سنٹرل جیل میں قید سزائے موت کے دو مجرموں کو تختہ دار پر لٹکا دیا گیا مجرم قتل کے جرم میں ملوث تھے سزائے موت ہو چکی تھی مجرم امان اللہ جان بہادر کو جرم 302پر عدالتوں نے سزائے موت سنا رکھی تھی دونوں مجرموں کی ورثاء سے آخری ملاقات کر دی گئی تھی مجرم امان اللہ کا تعلق ڈی آئی خان جبکہ جان بہادر تخت بھائی مردان کا رہائشی تھا دونوں کی لاشیں ورثاء کے حوالہ کر دی گئیں ہیں جوکہ لاشیں لے کر آبائی علاقوں کو روانہ ہو گے دونوں مجرموں کی مصالحت کی کوشش اور اپیلیں عدالتوں نے مسترد کر دیں تھیں ۔

ذرائع کے مطابق سنٹرل جیل ہری پو رمیں قتل کے دو مجرموں کو علی الصبح چھ بجکر 30منٹ پر تختہ دار پر لٹکا دیا گیا سزائے موت پر عمل درآمدکے لیے جلاد صادق مسیح کو پشاور سے طلب کیا گیاتھا جوکہ گزشتہ رات کو سنٹرل جیل ہری پور پہنچ گیا تھا ایک دن قبل دونوں مجرموں کے عزیز رشتہ داروں سے آخری ملاقات بھی کروا دی گئی ہے جس کے بعد منگل کی علی الصبح ان کو تختہ دار پر لٹکا دیا گیا سنترل جیل زرائع کے مطابق ملزم امان اللہ ولد محمد ہاشم سکنہ ڈی آئی خان کو 2015میں عدالت نے سزائے موت سنا رکھی تھی جبکہ مجرم جان بہادر ولد گل بہادر سکنہ مردان تخت بھائی کو 1997میں سزاء ہو چکی تھی مجرم نے اپنی بیوی کو قتل کیا تھا ۔

دونوں قتل اقدام قتل سمیت دیگر جرائم میں سزا یافتہ ہیں جن کی اپیلوں کی درخواستیں بھی مسترد کی جا چکی ہیں دونوں کی آخری خواہش بھی پوری کر دی گئی ہے زرائع نے بتایا ہے کہ دونوں مجرموں نے آخری وقت تک اپنے جرم پر شرمندہ تھے اور دھاڑیں مار کے رو رہے تھے تاہم کو جیل قوانین کے مطابق اپنی کال کوٹھری میں قید کر دیا گیا ہے رات گے گے دونوں مجرموں کے ورثاء راضی نامہ مصالحت کے لیے کوشش کر رہے تھے مگر ناکامی کا سامنا کرنا پڑا دونوں کی لاشوں کو قانونی کاروائی کے بعد تدفین کے لیے ورثاء کے حوالہ کیا گیا جوکہ لاشیں لے کر صبح ہی آبائی علاقوں کو روانہ ہوگے تھے

ایبٹ آباد کے سیاستدان کے گھر میں دس سالہ بچی کی پراسرارموت معمہ بن گئی۔

ABBOTTABAD: 27Jan2018 - Misbah along with her mother & Sister talking to Media, about her sister death in House of Local Politician of Abbottabad.

ایبٹ آباد:ایبٹ آباد کے نامی گرامی سیاستدان کے گھر میں دس سالہ گھریلو ملازمہ کی پراسرارموت۔ مارے جانیوالے ملازمین کی تعداد تین ہوگئی۔ وقوعہ کو چھپا دیاگیا۔ غریب بچی کے والدین پر بھی شدید دباؤ۔ مقامی ذرائع کے مطابق اگست2016ء میں ایبٹ آباد کے نامی گرامی سیاستدان کے بھائی کے گھر میں کام کرنیوالے بیرنگلی کے رہائشی سجاد ولد محمد اقبال کی چھت سے لٹکتی لاش برآمد ہوئی۔ جسے خودکشی کا رنگ دے کر معاملے کو دبادیاگیا۔بعدازاں اسی گھر میں ایک اور کمسن ملازمہ کے مارے جانے کی بھی خبریں عام ہوئی۔ لیکن دوسری موت کے معاملے کو بھی دبادیاگیا۔ 

گاؤں نگکی محلہ بیکڑی کے رہائشی محنت کش کامران کی اہلیہ نے صحافیوں کو بتایاکہ اس کی دوبیٹیاں اقصاء اور مصباح ایبٹ آباد کے ایک بااثرسیاستدان کے بھائی کے گھر میں ملازمہ تھیں۔ بڑی بیٹی اقصاء کی عمرچودہ سال جبکہ چھوٹی بیٹی مصباح کی عمر بارہ سال تھی۔ جمعرات کی رات ساڑھے آٹھ بجے کے قریب مجھے کال کرکے بتایاگیاکہ مصباح کی طبیعت اچانک خراب ہوگئی ہے۔اس لئے آپ لوگ فوری طور پر ڈی ایچ کیوہسپتال پہنچیں۔ جس پر رات کے وقت ہم گھر سے نکل گئے۔ ہمارے گھر سے سڑک تک تمام راستہ پتھریلا ہے۔ اور سڑک تک پہنچنے میں تقریباً آدھے گھنٹے سے زائد وقت لگتاہے۔ جب ہم قریبی سڑک پرپہنچے تو ہمیں بتایاگیاکہ مصباح کی موت واقع ہوگئی ہے۔ آپ لوگ یہاں نہ آئیں۔ ہم لاش لے کر آرہے ہیں۔ اس اطلاع کے بعد ہم سڑک پر ہی بیٹھ گئے۔ رات تقریباً دس بجے کے قریب یہ لوگ میری بچی کی لاش کے ہمراہ گھر پہنچ گئے۔ 

کامران کی اہلیہ نے مزید بتایاکہ میری دونوں بیٹیاں صحت مند ہیں اور انہیں کوئی بیماری وغیرہ نہیں ہے۔ مجھے نہیں معلوم کہ میری بیٹی کی موت کیسے واقع ہوئی؟ ہم غریب لوگ ہیں اور ہمارے پاس پیسہ اور تعلیم نہیں ہے۔ ہم کسی بھی قسم کی قانونی کارروائی کرنے کی پوزیشن میں نہیں ہیں۔ اگرحکومت ہمیں انصاف فراہم کرسکتی ہے تو ہماری امداد کرے۔کیونکہ غربت کی وجہ سے ہم نے اپنی بیٹیوں کو کام کیلئے چھوڑا ہوا تھا۔

ہم دونوں بہنیں تین ہزار روپے ماہوار پر ان لوگوں کے گھر میں چوبیس گھنٹے کام کرتی تھیں: اقصاء

ایبٹ آباد:مقامی سیاستدان کے بھائی کے گھر میں پراسرار طور پر مرنے والی بارہ سالہ مصباح کی بڑی بہن اقصاء نے صحافیوں کو بتایاکہ ہم دونوں بہنیں تین ہزار روپے ماہوار پر ان لوگوں کے گھر میں چوبیس گھنٹے کام کرتی تھیں۔ مجھے اور میری بہن کو ماہانہ پندرہ پندرہ سو روپے تنخواہ دی جاتی تھیں۔ جمعرات کی رات مجھے بتایاگیاکہ میری بہن مصباح گرگئی ہے۔ جس پر اسے ہسپتال لے جایاگیا۔میری بہن کے منہ سے جھاگ نکل رہی تھی۔ ہسپتا ل پہنچنے کے چند گھنٹوں کے بعد میری بہن کی موت واقع ہوگئی۔ مجھے نہیں معلوم کہ میری بہن کیساتھ کیاواقع پیش آیا۔ مختلف سوالات کے جواب میں اقصاء کا کہناتھاکہ گھر کے تمام لوگوں کا سلوک ہمارے ساتھ اچھاتھا۔ ہمیں کسی نے کبھی تشدد کا نشانہ نہیں بنایا۔

بچی کے منہ سے جھاگ نکل رہاتھا: ڈاکٹردریاخان۔

ایبٹ آباد:بارہ سالہ کمسن ملازمہ کی موت کے بارے میں ڈی ایچ کیوہسپتال کے ذرائع نے صحافیوں کو بتایاکہ بارہ سالہ مصباح کو جمعرات کی رات پونے آٹھ بجے ڈی ایچ کیوہسپتال کی ایمرجنسی یونٹ میں لایاگیا۔ جہاں پر سی ایم او ڈاکٹر ارشاد نے بچی کا معائنہ کرنے کے بعد اسے ادویات تجویز کیں۔ بعدازاں نائٹ شفٹ شروع ہونے کے بعد ڈاکٹرزبیر کی ڈیوٹی ایمرجنسی میں شروع ہوگئی۔ ڈاکٹر ارشاد اور ڈاکٹر زبیر کے مطابق مصباح کا بلڈپریشر صفر آرہاتھا۔ جس پر اسے ایمرجنسی میں ادویات دی گئیں۔بعدازاں ایمرجنسی میں حالت خراب ہونے پر بارہ سالہ مصباح کو آئی سی یو میں ریفر کردیاگیا۔ جہاں ڈاکٹر دریاخان نے ڈیڑھ گھنٹے تک سرتوڑکوششوں کے باوجود بچی کو نہ بچاسکے۔ 

ڈاکٹر دریاخان کے مطابق بچی کو سانس لینے میں شدید تکلیف تھی اور اس کے منہ سے جھا گ نکلتا رہا۔ اور اس کا بلڈپریشر انتہائی کم ہوتاگیا اور اتنا کم ہوچکاتھاکہ چیک کرنے پر بھی ریکارڈ نہیں ہورہاتھا۔ پولیس چوکی ڈی ایچ کیو میں موجود ذوالفقار نامی اہلکار کے علاوہ ایس ایچ او تھانہ کینٹ نے بھی بچی کی پراسرار ہلاکت سے لاعلمی کا اظہار کیا۔

مرنے والے کمسن ملازمہ کو ہسپتال میں سیاستدان کی بھتیجی ظاہر کیاگیا۔

ایبٹ آباد:بارہ سالہ مصباح کو ہسپتال لانیوالے افراد نے بارہ سالہ مصباح کی موت کے بعد لوگوں کو بتایاکہ مارے جانیوالی بچی مذکورہ سیاستدان کی بھتیجی ہے۔ اورمرنے والی بچی کو اپنی قریبی رشتہ دار ظاہر کرکے معاملے کو مزید مشکوک بنادیا۔ مقامی لوگوں کے مطابق ڈی ایچ کیوہسپتال میں لائی جانیوالی بچی کے ہمراہ آنیوالی خواتین اور دیگر لوگوں نے بچی کی موت کے بعدہسپتال کے عملے اور لوگوں کو بتایاکہ مرنے والی بچی مقامی سیاستدان کی بھتیجی ہے۔ تاہم بعد میں چھان بین کے بعد معلوم ہواکہ مرنے والی بچی انتہائی غریب خاندان اور پسماندہ علاقے کیساتھ تعلق رکھتی ہے۔ جو صرف پندرہ سو روپے ماہانہ پر چوبیس گھنٹے کام کرکے اپنے ماں باپ اور بہن بھائیوں کی کفالت کررہی تھی۔

فار ملین شیمپو کھاد پاؤڈر کیمیکل سے بنا ہزاروں لیٹر دودھ تلف کر دیاگیا۔

ہری پور:ضلعی انتظامیہ کا ملاوٹ شدہ دودھ فروخت کرنے والوں کے خلاف کاروائی چالیس میں سے بتیس دودھ فرشوں کے سیپمل ٹیسٹ میں فیل ہوگے فار ملین شیمپو کھاد پاؤڈر کیمیکل سے بنا ہزاروں لیٹر دودھ تلف کر دیاکاروائی کے دوران تیس کے قریب دکانوں کو سیل کر دیا گیا بھاری جرمانے عائد سرف شیمپوفارمالین کھادآئل پاوڈر سے تیادشدہ دودھ کیخلاف گرینڈ آ پریشن ضلعی انتظامیہ کی کاروائی ہزاروں لٹر دودھ تلف کر دیا ہزاروں روپے جرمانہ عائد کر دیاتفصیلات کے مطابق گزشتہ روز ضلعی انتظامیہ نے عوامی شکایات پر کاروائی کرتے ہوئے شیر انوالہ گیٹ دربند اڈہ پر کیمیکل سے ملے دودھ فروخت کرنے والوں کے خلاف ضلعی انتظامیہ نے سرف شیمپو۔کیمیائی کھاد۔آئل۔اور بالصفا ہوڈر سے تیاردودھ کی دکانوں پر چھاپے ما ر کرکے ہزاروں لیٹر دودھ کو تلف کر دیا ہے ۔

ناقص ملاوٹ شدہ دودھ فروخت کرنے والوں کے خلاف بھاری جرمانے بھی عائد کیے ہین بلخصوص پنجاب سے جعلی دودھ کی گاڑی سے روزانہ ہری پور کی مختلف دوکانوں پر جعلی دودھ فروخت کیا جاتا ہے ضلعی انتظامیہ نے ہری پور کے دودھ فروشوں سے سمپل لئے اور دودھ کو چیک کی گیا ہری پور میں 90%دوکانوں نقلی ملاوٹ شدہ دودھ فروخت کیا جا رہا تھا جس پر ایکشن لیا گیا اور چھاپے مارے کئے دودھ کو تلف کیا گیا اوردوکانوں کا سیل کیا گیا انتظامیہ نے شہر کی 35 سے زائد دکانیں سیل کی گئیں ایڈیشنلAC عدنان اورایڈیشنل AC شبیر احمد نے متعدد دکانیں سیل کر دی اور کیمکل سے بنے دودھ کو ضائع کر دیا مزید جن دکانوں پر دودھ فروخت کیا جا رہاہے ان کے خلاف بھی کاروائی کی جائے گی ایکشن لیا جائے گیا او چھاپے مارے کئے دودھ کو تلف کیا جائے گا شہریوں نے کاروائی پر خوشی کا اظہار کیا ہے 

ایک نسیم خان سب پہ بھاری۔ دس کلوچرس پکڑلی۔

 

ایبٹ آباد: ایک نسیم خان سب پہ بھاری۔ دس کلوچرس پکڑلی۔اس ضمن میں ایکسائز انٹیلی جنس بیورو ہزارہ کے سب انسپکٹرنسیم خان نے صحافیوں کوبتایاکہ ایکسائز کی ٹیم نے منشیات کے سمگلروں کیخلاف تاریخی کارروائیاں کی ہیں۔ پیر کی شام شاہ مقصود انٹرچینج پر محمد جاوید ولدعجب خان سکنہ ارباب روڈ محلہ گجراں پشاور کو مخبر کی اطلاع پر کارروائی کرتے ہوئے دس کلو چرس ایبٹ آباد سمگل کرنے کے دوران گرفتار کرلیا۔ عجب خان یہ چرس باڑہ سے لیکر ایبٹ آباد جارہاتھا۔ مراسلے کے بعد پولیس چوکی شاہ مقصود میں محمد جاوید کیخلاف مقدمہ درج کرلیاگیاہے۔

واضح رہے کہ پورے ہزارہ میں محکمہ اینٹی نارکاٹیکس کے علاوہ پولیس کے تھانوں ،سپیشل پولیس کے اہلکاروں کی ایک بہت بڑی فوج ظفر موج سرکاری خزانے سے سالانہ کروڑوں روپے کی تنخواہیں وصول کرنے کے باوجود منشیات کی سمگلنگ اور منشیات کی روک تھام میں مکمل طور پر ناکام ہیں۔ تاہم محکمہ ایکسائز کے سب انسپکٹر نسیم خان نے محض چند ہفتوں کے اندر منشیات سمگل کرنیوالے کئی افراد کو رنگے ہاتھوں گرفتار کیا ہے۔ ایک زرداری سب پہ بھاری کے بعد اب ایک نسیم خان سب پہ بھاری کی باتیں زبان زد عام ہوچکی ہیں۔

 

نیازی سروس لمٹیڈ بھی عمران خان کی نہیں ہے : نوازشریف۔

HARIPUR: 20Jan2018 - Former Prime Minister Mian Mohammad Nawaz Sharif Addressing Public meeting in Haripur. ONLINE PHOTO by Sultan Dogar

 

 

 

HARIPUR: 20Jan2018 - Former Prime Minister Mian Mohammad Nawaz Sharif, Mariyum Nawaz & others waiving hands during Public meeting in Haripur. ONLINE PHOTO by Sultan Dogar

ہری پور(یاور حیات)سابق وزیر اعظم میاں محمد نواز شریف نے کہا ہے کہ پانچ ججوں نے مجھے برخاست کیا مگر عوام نے فیصلہ مسترد کر دیا نیا پاکستان بنانے والے لاڈلے نے گالیوں الزام تراشی بہتان کی سیاست کے سوا صوبہ کے لیے کچھ نہیں کیا ہے 2018میں الیکشن نہیں ریفرنڈم ہوگا میں طاہر القادری نہیں ہوں جو بجلی کی تار سے نکالنے والے پٹاخے سے ڈر جاؤں میں نواز شریف ہوں تین دن پہلے لاہور میں جو شو ہوا تھا سب لیڈر اکھٹے تھے وہ لیڈر جو کل ایک دوسرے کو گالیاں دیتے تھے ایک دوسرے پر جوتے پھیکتے تھے ایک صف میں کھڑے ہو گے اب کہاں گئی وہ اصولی سیاست ان کا ایجنڈہ صرف نواز شریف کی مخالفت کرنا تھایہ ہی ان کا پروگرام تھا ہری پور کا جم غفیر ان سے د س گناہ بڑا ہے ہری پور کے باسیوں نے ہمیشہ میری عزت کا مان رکھا ہے ان کا سیاسی شو خالی کرسیوں کا تھا مگر ہری پور جم غفیر کرسیوں سے بھرا ہے ہری پور کی عوام کو سلام پیش کرتا ہوں جنہوں نے ان کی سیاست کو رد کر دیا ہے جو کل لعنت بھیجتا تھا میں نے پہلے بھی کہا تھا وہ جس تالی میں کھاتا ہے وہاں چھید کرتا ہے ۔ ان خیالات کا اظہار انہوں نے ہری پور میں ایک عظیم الشان جلسہ عام سے خطاب کے دوران کیا۔

میاں محمد نواز شریف نے کہاکہ یہ الزام تراشی کا خان ہے کبھیچیف سیکرٹری کبھی کس کو کس جیل میں بند کرنے کی دھمکیاں دیتا ہے میں بتا دینا چاہتاہوں کہ تم خود جیل جاؤں گیااس شخص نے قومی اخلاقیات کو بگاڑ دیا ہے ہم کو ایسا منظور نہیں ہے لاہور والوں نے ان کو اوقات یاد کروادی ہے جج کہتے ہیں یہ عمران خان صادق اور امین ہے اس کے قصے روزانہ ٹی وی اخباروں میں آتے ہیں ان کو نظر نہیں آتا میں سلام پیش کرتاہوں ان ججوں کو جھنوں نے عمران خان کو صادق اور امین قرار دیا ہے ۔نیازی سروس لمٹیڈ بھی عمران خان کی نہیں ہے وہ بھی میری ہی ہو گی جس نے اقبال جرم کیا ہے کہ نیازی کمپنی میری ہے بنی گالہ کے لیے اس نے جعل سازی کی ہے پھر بھی کہا جاتا ہے کہ آپ وہ نیازی نہیں ہیں عمران بیٹا تم وہ نیازی نہیں ہو میاں نواز شریف نے کہا کہ پاکستان میں موٹر وے کے جال بچھا دیے ہیں ہزارہ موٹر وے کا شاہد خاقان عباسی نے افتتاح کیا ہے لواری ٹنل پر ہم نے پچیس ارب روپے خرچ کیے چھ رویے موٹر وے عوام کے سہولیات کے لیے ہے اب چائینہ باڈر تک لے جائیں گیں مسلم لیگ ن ترقی کا دوسر ا نام ہے ہم نے پاکستان سے لوڈ شیڈنگ کا خاتمہ کر دیا ہے ملک کو اندھیروں سے نکال دیا ہے الزام تراشی گالم گلوچ کی سیاست کرنے والوں نے صوصبہ کے پی کے میں کون سے بجلی پیدا کی ہے کتنے کارخانے لگائے ہیں ۔

میاں نوازشریف نے مزید کہاکہ دو ارب درخت لگانے کے دعوی کرنے والوں نے دو لاکھ درخت بھی نہیں لگائے ہیں پانچ ججوں نے نواز شریف کو نکال باہر پھینکا ہے مگر عوام کی عدالت نے مجھے پھر سے منتخب کر دیا ہے اگر میں قصور وار ہوں تو میں حاضر ہوں قوم کی امانت میں خیانت کرنے والوں کو اپنا فیصلہ واپس لینا ہو گا ووٹ کے تقدس سے عوام نے مجھے منتخب کیا ہے پرچی کی طاقت ہمارا مینڈیٹ ہے کسی میں دم خم نہیں ہونا چائیے انصاف کے دہرے معیار ہم کو منظور نہیں ہیں سب کے لیے برابر ہونا چائیے امیر غریب صدر وزیر اعظم سب کے لیے ایک ترازو کا قانون ہو گا تو چلے گا اس قانون کے تحت نظام ٹھیک رہے گاعوام نے 2018میں عزت دی منتخب کیا تو بے گھر افراد کو آسان اقساط پر گھر فراہم کریں گیں پانچ سے دس سال کے عرصے میں کم اقساط پر گھر بنا کر دیں گیں پاکستان کے بے گھروں کو گھر فراہمی سکیم شروع کر یں گیں نیا پاکستان بنانے والوں میں کچھ نہیں ہے اب میں جان گیا ہوں تین دن پیلے ان کی اوقات دیکھ لی ہے مجھے 2018میں پاکستان بھر میں مسلم لگ ن نظر آ رہی ہے عوام سازشوں کو ملیا میٹ کر دیں گیں ہم نے دھرنوں ناچ گانوں کے باجود بھی کام کیے ہیں گالم گلوچ کی سیاست کرنے والوں نے صوبہ میں کون سے سکول میڈیکل کالج یونیورسٹیاں ہسپتال بنائے ہیں الٹا سب بند کردیا ہے انھوں نے کہا کہ ہری پور آکر بہت خوشی ہو رہی ہے ہزارہ موٹر وے کو دیکھ کر دل خوش ہوتا ہے بڑی پیار سے یہ بنائی ہے مجھے صلہ ٹھیک نہیں دیا گیا صرف ایک اقامہ سے برخاست کر دیا گیا یہ کیا فیصلہ ہے صوبہ کے پی کے میں بھی ن لیگی بستے ہیں بیس گھنٹے کی لوڈ شیڈنگ کا خاتمہ کر دیا ہے ۔

تبدیلی کے ہوائی نعروں والوں نے ہری پو رکے لیے کیا کیا ہے ؟کے پی میں بھی موٹر وے بجلی لوڈشیڈنگ ختم بھی نواز شریف نے کی ہے لاڈلے سے پوچھا جائے صوبہ سمیت ہری پو رمیں کون سے کارخانے سٹرکیں بنائی ہیں لاہور میں فلاپ شو کرنے والوں سے خالی کرسیوں سے خطاب کیا نواز شریف نے کہا کہ میں جو بات کرتا ہوں وہ پوری کرتا ہوں جو دعدہ کرتاہوں پورا کرتا ہوں ہری پور کے باسیوں نے بتانا چاہتا ہوں کہ میں ترقی کے ایجنڈے پر کام کر رہا تھاانڈسٹری زراعت سمیت تجارت بڑھانا چاہتا تھا مگر مجھے کام نہیں کرنے دیا گیا ووٹ کے تقدس پرچی کی طاقت کے لیے عوام کی عدالت میں آگیاہوں عوام کا غم غفیر عدالت کو نظر نہیں آتا ہے انصاف کے دہر ے معیار کو اب ختم ہونا چائیے سابق وزیر اعظم میاں محمد نواز شریف ہری پور کرٹس کمیٹی گراؤنڈ میں کارکنوں سے خطاب کر رہے تھے اس موقع پر ہیلی کپٹرسے پھولوں کی پتیاں بھی نچھاور کی گئیں ہزاروں کی تعداد میں کارکنوں نے جلسہ میں شرکت کی مریم نواز کیپٹن صفدر سمیت پارٹی قائدین پارلیمٹیرن بھی جلسہ میں شرکت کی پارٹی نغموں سے کارکنوں کا لہو گرماتے رہے ۔

شکت کے خوف سے سازشی مخالفین کے منہ پر بارہ بج چکے ہیں: مریم نواز۔
ہری پور(یاور حیات)مریم نواز نے کہا ہے کہ ہری پور میرا گھر ہے جن سازشیوں نے جمہوری حکومت پر حملہ کیا تھا ان کو ضمنی انتخابات میں مزہ چھکا یا گیا تھا سازشیوں کو ہری پور سے ہمیشہ شکست کا سامنا ہی کرنا پڑے گاایک لاکھ پندرہ ہزار کی بھاری اکثریت سے میرا بھائی بابرنواز خان کامیاب ہو اتھا اقامہ سے پانامہ کا ڈھول پیٹنے والے ناکام ہو گے ہیں نواز شریف اب عوام کی عدالت سے محبتیں سمیت رہا ہے خالی کرسیوں کا سمندر دیکھ سازشی لاہور سے بھاگ گے ہیں اگلے انتخابات میں خالی کرسیوں سے خطاب کرنے والوں کا ناکامی ہوگی خالی کرسیاں ووٹ نہیں دیتی ہیں اس شکت کے خوف سے سازشی مخالفین کے منہ پر بارہ بج چکے ہیں عوام سے ان سے نمٹ لے گی ۔ ان خیالات کااظہار انہوں نے ہری پور میں جلسہ عام سے خطاب کے دوران کیا۔

مریم نواز نے کہاکہ سازشی جھوٹے نواز شریف کی سازش کے تحت نہ حکومت گراسکے نہ استعفی لے سکے نہ الیکشن جیت سکے نہ سزا دلو سکے ان کو کسی اور طرف دیکھنا پڑا اگلے الیکشن کا فیصلہ عوام نے کر دیا ہے ان کی رسوائی ناکامی سب پاکستان کی عوام پر عیاں ہے پارلیمنٹ کو گالی جہوریت کو گالی ہے عوام کو گالی ہے چا ر سال نواز شریف نے ترقیاتی کام کیے یہ کنٹینر پر چڑھ کر گالیاں دیتے رہے امپائر کی انگلی اٹھنے کا انتظار کرتے رہے امپائر کی انگلی کا سہارا لیتے رہے اگر پانچ سالوں میں کچھ کام کیا ہوتا تو امپائر کی انگلی کاسہارا لینے کی بجائے عوام کا سہارا لیتے امپائر کی بے ساکھی کا سہارالینے والے عوام کی بے ساکھی کا سہارا لیتے تو آج ناکام نہ ہوتے آج ان لوگوں سے ہاتھ نہ ملانا پٹرتا جن کو جوتے مارے جاتے تھے جن کو چور ڈاکو بیماری کہا جاتا رہا ہے نواز شریف نانصافی کا بدلہ عوامی طاقت سے لے گا۔2018میں بدلہ پورا کر دیں گیں عوام ترقی کا ساتھ دے رہی ہے۔

ہری پور کی عوام نے آج ثابت کر دیا ہے کہ نواز شریف ان کے دلوں میں بستا ہے تبدیلی کے جھوٹے ہوائی منصوبوں والوں کی ہری پور والوں نے مسترد کر دیا ہے عوام طاقت کا سرچشمہ ہیں مجھے ہزاروں کا مجمع دیکھ کر خوشی ہو رہی ہے ہری پو رمیں میرا پنا گھر ہے ہم بدلہ گالی سے نہیں دیں گے۔ عوام کی خدمت کریں گیں عوام ووٹ کی طاقت سے بدلہ لینے میں ہمار اساتھ دے گی ہری پور کی عوام نے آج فیصلہ دے دیا ہے کہ وہ نواز شریف کے ساتھ شانہ بشانہ ہے مریم نواز شریف ہری پور کمیٹی گراؤنڈ جلسہ میں کارکنوں سے خطاب کر رہی تھیں۔

ماں بیٹے سمیت ایک ہی خاندان کے پانچ افراد جاں بحق۔

HARIPUR: 20Jan2018 - Local men standing on site after accident on GT Road, Five Family Members Killed in Accident.

 

ہری پور(یاور حیات)جی ٹی روڈ سوات چوک کے قریب ٹریفک کا المناک حادثہ شادی کی تقریب سے واپس آنے والی ماں بیٹے سمیت ایک ہی خاندان کے چار افراد جاں بحق ایک گھر میں چار جنازے اٹھنے پر علاقہ بھر میں کہرام علاقہ کی فضا سواگوار چاروں جاں بحق آبائی قبرستان میں سپرد خاک کر دیا گیا تفصیلات کے مطابق گزشتہ شام جی ٹی روڈ سوات چوک کے قریب شادی ہال سے شادی کی تقریب ختم ہونے کے بعد گھر واپس آنے والا بدقسمت خاندان مسافر کوچ کی ٹکر سے جاں بحق ہو گیا ۔

ہری پور شہر کی قصاب برادری کے سربراہ چوہدری صدیق کی فیملی موٹر کار نمبر FD-320میں شادی کی تقریب ختم ہوتے ہی واپس روانہ ہوئے جی ٹی روڈ پر گاڑی کا ٹائی راڈ کھلنے کے باعث پنڈی سے کوہستان جانے والی مسافر کوچ سے ٹکرا گئی کوچ نے گاڑی کو کچل دیا جس کے نتیجے میں موٹر کار میں سوار چوہدری صدیق کی اہلیہ نوشتہ بی بی بیٹا بلال چوہدری بہو حاجری بی بی زوجہ چوہدری بلال تین سالہ پوتا حارث موقع پر جاں بحق ہو گئے۔ جبکہ دو خواتین شدید زخمی ہوگیامقامی افراد پولیس امدادی اداروں نے امدادی کاروئیاں کرکے گاڑی کو کاٹ کر لاشوں اور زخمی خاتون کو ہری پور ویمن اینڈ چلڈرن ہسپتال منتقل کیا گیا جہاں پوسٹ مارٹم ضروری قانونی کاروائی کے بعد لاشیں تدفین کے لیے ورثاء کے حوالہ کر دیا گیا ہے جبکہ گھر کے سربراہ چوہدری صدیق کی مدعیت میں مقدمہ درج کرکے مزید تفتیش شروع کر دی گئی ہے ۔

بدقسمت خاندان اپنے قریبی عزیز کی شادی کی تقریب سے واپس گھر کی طرف شادی ہال سے نکلے تھے کہ موت نے آلیا پولیس نے گاڑی نمبر 320 اور مسافر نیازی کوچ نمبر 986 کو اپنے قبضے میں لے کر پولیس اسٹیشن منتقل کردیا ہے پولیس کے مطابق خاتون نوشتہ بی بی حاجرہ بی بی زوجہ چوہدری بلال 3 سالہ پوتا حارث ولد بلال جاں بحق جبکہ بیٹی زینب بی بی شدید زخمی ہو گئی جنہیں پہلے ہری پور بعد ازاں ایبٹ آباد ریفر کر دیا گیا ۔

پولیس نے حادثے کی رپورٹ درج کر لی ہے حادثے کی خبر جنگل کی آگ کی طرح پھیل گئی شہر بھر کے لوگ ہری پور ویمن اینڈ چلڈرن ہسپتال پہنچ گے انسانوں کا ایک سیلاب ہسپتال میں آمڈ آیا خاندان کے افراد دھاڑیں مار مار کے رو رہے تھے متاثرہ خاندان ہری پو رکے نواحی علاقہ تلوکر میں رہائش پذیر تھا ایک ہی گھر سے چار جنازے اٹھنے پر کہرام مچ گیا جبکہ علاقہ بھر کی فضا بھی سوگوار ہے حادثہ میں جاں بحق ہونے والوں کی آج نمازہ جنازہ آبائی علاقہ میں اد اکرنے کے بعد مقامی قبرستان میں سپرد اخاک کر دیا گیا ہے جبکہ زرائع نے بتا یا ہے کہ حادثہ میں جاں بحق ہونے والے بلا ل چوہدری حساس ادارے کا ملازم تھا اور ساہیوال میں تعینات تھا شادی کی تقریب میں شرکت کے لیے دو دن قبل چھٹی پر گھر آیا ہوا تھا